ပန္းပြင့္မ်ား (မိုးေသြး)
" ပန္းပြင့္မ်ား "
အလြမ္းဆိုတာ
ပန္းတပြင့္ျဖစ္ရင္
ဒီပန္းကို မင္း မပန္ေစခ်င္ဘူး ။
ကိုယ့္ခ်စ္သူဟာ
ပန္းတပြင့္ျဖစ္ရင္
ဒီပန္းဟာ ထာဝရ တပြင့္တည္းပါ ။
သတိရျခင္းဟာ
ပန္းတပြင့္ဆိုရင္
အျမဲ ကိုယ္ မင္းအတြက္ သိမ္းထားမယ္ ။
ဆံုဆည္းမႈဟာ
ပန္းတပြင့္ျဖစ္ရင္
ဒီပန္းဟာ ကိုယ္တို႔အတြက္ ျဖစ္ပါေစ ။
ခြဲခြာျခင္းဟာ
ပန္းတပြင့္ဆိုရင္
ႏြမ္းသြားမယ့္ အခ်ိန္ကို ေစာင့္ေနမိတယ္ ။
မိုးေသြး
Credit - ကဗ်ာလမ္း Facebook Page မွကူးယူေဖာ္ျပသည္။
Comments
Post a Comment