မွန် မြတ် ခြင်း မှာ (မောင်သိန်းဇော်)
မွန် မြတ် ခြင်း မှာ
ငါတို့ရဲ့ရန်သူဟာ
ငါတို့ ကိုယ်တိုင် ဖြစ်တယ် ၊
ကောက်ကျစ်တဲ့ အချစ်
ရိုးဖြောင့်တဲ့ အမုန်း
ဘယ်ဟာမှ သုံးမရဘူး ။
ကမ္ဘာပေါ်က
တစ်ချို့ ဂုဏ်သရေရှိလူကြီးမင်းတွေ
"ယုတ်မာပြီဟေ့" ဆိုရင်
လူကို လက်ဖျားနဲ့တောင်မထိဘူး ၊
နိုင်ငံသမိုင်းကိုဘဲ မထနိုင်အောင်ရိုက်တာ
အမှန်တရားကိုယ်စီနဲ့
ငါတို့အားလုံး ရှုံးနေကြရတယ် ၊
ကဲ ဘယ်သူက စ, အရှုံးပေးမလဲ?
အားလုံး အရှူံးပေးနိုင်တဲ့နေ့ဟာ
အားလုံးအနိုင်ရတဲ့ နေ့ ။ ။
မောင်သိန်းဇော်
( ၂၀၁၈ )
Comments
Post a Comment