အိပ်မက်အသေနဲ့လူ (မိုင်မျိုးမျိုးဆန်း)

အိပ်မက်အသေနဲ့လူ

စိတ်ကိုချုပ်တီးပြီးကြေကွဲရတာနဲ့ 
စိတ်လွတ်လက်လွတ်ကြေကွဲရတာ 
ဘယ်အရာက ပိုနာကျင်စေမလဲကိုယ်မသိဘူး . .
တစ်ကယ်ပါ 
ဘာဆုမှမပန်ဖြစ်ခဲ့ဘူး 
မျက်နှာလေးကိုစိတ်လွတ်ကိုယ်လွတ်ငေးခွင့်ရရုံနဲ့ကိုယ်ကျေနပ်ပြီ
အင်းးး ကျေနပ်တတ်ခဲ့ရတယ်ပေါ့ . .
လွမ်းဆွတ်စရာပါပဲ . .

ဝေးနေကျပေါ့ 
ခရီးအကွာအဝေး မိုင်တိုင်တွေနဲ့ပဲတွက်တွက်
မဆုံနိုင်တဲ့သံသရာနဲ့ပဲတွက်တွက် 
အနာဂါတ်ခြင်းမတူညီမှုနဲ့ပဲတွက်တွက်ပေါ့ 
မငိုဖြစ်တော့ပါဘူး
အနည်းဆုံးတော့ စိတ်ချင်းနီးစပ်နေသေးတယ်လို့
ကိုယ့်ကိုယ်ကိုယ်ညာထားတယ်လေ . .

မနက်မိုးလင်းရင်သူအရင်ဆုံးသတိရသူကိုယ်ဖြစ်ပါစေလို့
အတ္တမကြီးတတ်တော့ဘူး . .
လက်ချင်းတွဲလို့လမ်းလျှောက်ရတာ ဒါနောက်ဆုံးမဖြစ်ပါစေနဲ့လို့
ဆုမတောင်းဖြစ်တော့ဘူး . .
ကောင်မလေးတွေနဲ့ ကင်းကင်းနေနော်လို့ သဝန်မတိုတော့ဘူး. .
မဆိုးပါဘူး . .
အနာဂါတ်ပျောက်တယ်ဆိုတာ အရေးမပါတဲ့အတော်များများကို 
စွန့်လွှတ်ပစ်လိုက်ရလို့ပေါ့ပါးသားပဲ . .
အနာဂါတ်ကိုလောဘမတက်ရလို့ ဆို့နင့်နေရတာကလွဲလို့ပေါ့ . . .  
နေသားလဲကျနေပါပြီ . .

အချစ်ရေ . . .
ကိုယ်က 
ဝမ်းနည်းခြင်းရော ပျော်ရွှင်ခြင်းရောမရှိတော့တဲ့လူပါ 
အဆုံးစွန်ထိပျော်ရွှင်ပြီး အဆုံးစွန်ထိဝမ်းနည်းခဲ့ပြီးလို့ပေါ့ 
ဘဝကအိပ်မက်တစ်ခုဆို
ကမန်းကတမ်းလန့်နိုးပြီး ငါ့လက်ကိုဖြုတ်ချလိုက်ပါလား 
ငါက . .
ဒီထက်ပြိုလဲစရာမရှိတော့တဲ့လူပဲလေကွယ် . .

မိုင်မျိုးမျိုးဆန်း