နင့်ကိုမေ့ရမယ်ဆိုရင်
နင့်ကိုမေ့ရမယ်ဆိုရင်
နင့်ကိုမေ့ရမယ်ဆိုရင်
စတွေ့ခဲ့တဲ့အချိန်တွေကိုမလွမ်းမိဖို့
နှင်းတွေကျတတ်တဲ့ မနက်ခင်းတွေမရှိတော့မှဖြစ်မယ် . .
နင့်ကိုမေ့ရမယ်ဆိုရင်
နင်နဲ့ဆုံနေကျနေရာလိုမျိုး
မြေနီလမ်းလေးတွေ ကမ္ဘာမှာမရှိဖို့လိုတယ် . .
နင့်ကိုမေ့ရမယ်ဆိုရင်
ငါ့လက်ကိုဆုပ်ကိုင်ပေးဖူးတဲ့
နွေးထွေးတဲ့လက်တစ်စုံကို သတိမရဖြစ်ဖို့လိုတယ် . .
နင့်ကိုမေ့ရမယ်ဆိုရင်
နင်ဆိုပြဖူးတဲ့ သီချင်းတစ်ချို့
ဟောဒီ လောကကြီးကနေ ပျောက်ကွယ်သွားမှဖြစ်မယ် . .
နင့်ကိုမေ့ရမယ်ဆိုရင်
နင့်မွေးနေ့နဲ့တူတဲ့ ရက်တွေ လတွေကို နှစ်တိုင်း
ပြက္ခဒိန်ထဲက ထုတ်ပစ်ထားဖို့လိုတယ် . .
နင့်ကိုမေ့ရမယ်ဆိုရင်
နောက်ဆုံးနှုတ်ဆက်ခဲ့တဲ့အချိန်တွေကိုမေ့နိုင်ဖို့
မိုးစက်တွေ ထပ်မရွာကျမှဖြစ်မယ် . .
နင့်ကိုမေ့ရမယ်ဆိုရင်
ရုပ်ရှင်ရုံတွေ မရှိတော့ဖို့လိုတယ် . .
ထီးမဆောင်းဖြစ်တော့ဖို့လိုတယ် . .
ဖုန်းနံပါတ်တွေ မမှတ်မိတော့ဖို့လိုတယ် . . .
နင့်အကြောင်းတွေ မတွေးဖြစ်တော့ဖို့လိုတယ် . . .
ပြီးတော့ .
ငါဆိုတာ မရှိတော့ဖို့လဲ လိုတယ် . . .
မိုင်မျိုးမျိုးဆန်း
Comments
Post a Comment