ချယ်ရီမြင်တိုင်းလွမ်းတယ် (မိုင်မျိုးမျိုးဆန်း)

ချယ်ရီမြင်တိုင်းလွမ်းတယ်

ဆယ်ကျော်သက်ဆိုတာ ပုရစ်ဖူး

မြေးဦးရတဲ့ထိမမေ့မယ့်သူကိုရူးတယ် . .

ပြောတဲ့သူကတော့မေ့နေမှာပါ

နားထောင်ခဲ့ဖူးသူသာ

တစ်ထောင့်တစ်ညချယ်ရီပုံပြင်တွေနဲ့

အိပ်ယာဝင်တိုင်း အတွေးတွေလွန့် လူး

မပြယ်မယ့်သစ္စာတွေ အဆက်မပြတ်ဖူးခဲ့တယ်. .

ညီမလေးရေ . . . တဲ့

ခေါ်သံလေးက တစ်ဝက်တစ်ပျက်

အေးပေါ့လေ

ဆယ်စုနှစ်တစ်ခုစာအလွန်မှာ

ဆေးသားလေးတွေ မှိန်သင့်ပြီပေါ့

တယူသန်တဲ့ငါ့မှာသာ

မပြယ်သေးတဲ့အဆွေးတစ်ချို့ နဲ့

ချယ်ရီပွင့်တဲ့မြို့ တွေရောက်တိုင်းလွမ်းတယ်. .

ရေစက်ဆိုတာ

ရှားပါးလွန်းခဲ့တယ် အချစ်ဦးရယ်

မျက်ဝန်းတချို့ ဆိုတာတောင်

မမေ့နိုင်လွန်းလို့ လက်ချိုးရေမိခဲ့တာပါ

နင်သိရဲ့ လား

(ငါလေ. . .)

ချယ်ရီမြင်တိုင်း လွမ်းတတ်တုန်းပဲ . .။

မိုင်မျိုးမျိုးဆန်း