ငိုနေတဲ့ရှမ်းပြည် (စိုင်းပြည့်လင်းထက်)
ငိုနေတဲ့ရှမ်းပြည်
ဟိုး....မှာ ကလေးငယ်
အထုတ်အပိုးတွေသယ်လို့
မီးခိုးလုံးတွေကြားတိုးဖယ်
တောင်စွယ်မှာနေကွယ်ခဲ့တယ်....
သက္ကရာဇ်တစ်ခုလုံးဖွာလန်ကြဲ
ကျည်ဆန်မိုးတွေရွှဲစို
ဆံဖြူ နေတဲ့အဖိုးအို....
ချောင်တစ်ချောင်မှာ ရှိုက်ကြီးတငင်ငိုတယ်
လက်ချောင်းတွေအချင်းချင်းပြန်ဖမ်းချုပ်
သူတို့မို့ စစ်ပွဲဆိုတာကြီးကို
မြိန်ရည်ရှက်ရည်လုပ်ကြတယ်....
ကွယ်......
လောကကြီးအစားဝမ်းရေစပ်တယ်
နတ်သမီးပေးပါ....
ပဲရစ်ထက်မလျော့သော
နှစ်သိမ့်မှုတွေ လောက်လောက်ငငပေးပါ
ငြိမ်းချမ်းရေးဆာတယ်....
ချယ်ရီတွေတုန်ယင်ချည့်နဲ့....
ကူရာမဲ့နှလုံးသားလေးတွေ....
မျက်ရည်ဝဲနေတဲ့တောင်တန်းများ....
'အားတင်းထားစမ်းပါဦးတဲ့'
တို့ရှမ်းပြည်ကြီးတစ်ခုလုံး
ဟုတ်ကဲ့....
ကိုယ့်အခေါင်းကိုယ်ပြန်ဖုံးရတော့မယ်.....။ ။
စိုင်းပြည့်လင်းထက်
Comments
Post a Comment