ပြည့်တန်ဆာ (နောင်မင်းနိုင်)
ပြည့်တန်ဆာ
ကိုယ့်အိပ်ရာကကိုယ့်လိပ်စာပါပဲ
တွေ့ဘူးတဲ့လူတွေနာမည်နဲ့
စစ်တပ်ခြံစည်းရိုးခတ်တာတောင်
နှစ်ယောက်စာပိုနေသေးတယ်
ပန်းပွင့်ကလေးတွေနာမည်နဲ့ ဖြတ်သန်းတယ်
ဥပမာ . . . ဟင်္သာတမှာခတ္တာ ပုသိမ်မှာခရေ
ပြည်မှာနှင်းဆီ
ရန်ကုန်ရွှေမြို့တော်ကြီးရောက်တော့စံပယ်
ဘဝမှာကိုယ့်စိတ်ကြိုက်လုပ်ခွင့်ရခဲ့တာဆိုလို့
နာမည်တွေပဲပြောင်းခွင့်ရှိတာမဟုတ်လား
ဘဝတော့မပြောင်းသေးဘူး
လက်ငုပ်လက်ရင်းအလုပ်ကို
မကောင်းကြောင်းပြောမနေတော့ပါဘူး
ဘာတစ်ခုမှအလကားမရတဲ့လောကကြီးမှာ
တစ်ခုခုလိုချင်တစ်ခုခုပြန်ပေးရတာဘာဆန်းလဲ
လမ်းရွေးမှားမှန်းသိပေမယ့်
နောက်ပြန်လျောက်ရတာမောတယ်ရှင့်။ ။
နောင်မင်းနိုင်
Credit - မော်ဒန်ကဗျာ Facebook Page မှ ကူးယူဖော်ပြသည်။
Comments
Post a Comment