လူသတ်သမားရဲ့ညစာ (နှင်းခါးမိုး) Translated by Dr.Soe Than
လူသတ်သမားရဲ့ညစာ -နှင်းခါးမိုး လူသတ်သမားက သွေးအေးတယ် ။ သွေး မခြောက်သေးတဲ့လက်နဲ့ စီးကရက်ကို မီးညှိပုံ သူသတ်ထားတဲ့ အလောင်းရဲ့ အင်္ကျီရင်ဘတ် ကြယ်သီးတွေကို ဆွဲစေ့ပေးပုံ ၊ ကော်ဖီဆိုင်ထဲက ထလာသလို လေကလေးချွန်ပြီး လျှောက်သွားလိုက်သေးသတဲ့။ ဥဩသံတွေ ဆူညံ ရဲတွေ ရောက်လာ သတင်းစာ မျက်နှာဖုံးမှာ ခေါင်းကြီးစာလုံးမည်းကြီးနဲ့ ပါလာ အသတ်ခံရသူရဲ့ အပြစ်ကင်းစင်တဲ့ မျက်နှာလေးကို တီဗွီက မကြာမကြာ ထုတ်လွှင့်နေ တစ်မြို့လုံး ကလည်း ဒီအမှုအကြောင်းပဲ ပြောနေကြ ။ ရွှေကို လိုလို့ သတ်သလား လူကို လိုလို့ သတ်သလား တခါက ရန်ငြိုးလား စိတ္တဇ လူသတ်သမားလား ။ အသေဆိုးလေခြင်းလို့ စုပ်သပ်သူက သပ် အတင့်ရဲလေခြင်းလို့ ဒေါကန်သူက ကန် ရှေ့က လမ်းချိုးကွေ့ အမှောင်ရိပ်ထဲ လူသတ်သမား စောင့်နေမလားလို့ ကြောက်လန့်သူတွေလည်း ရှိရဲ့ ၊ ( ဒီလိုနဲ့ ) မြို့ကလေးထဲ ညအမှောင်ထုက တွားသွားဝင်လာ တံခါးတွေ စောစောပိတ် မီးတွေ စောစော မှိတ်ကြ စောစောတော့ အိပ်မပျော်နိုင်ကြ ။ လူသတ်သမားကော ဒီအချိန်ဆို ညစာ စားနေလောက်ပြီ ၀ိုင်ကလေး သောက်လိုက် စပျစ်သီးလေး မြုံ့လိုက်နဲ့လေ ပြီးတော့ မနက်က သွေးစွန်းခဲ့တဲ့ သူ့လက်ကို ဆုပ်လိုက် ဖြန်
